ممكن كشكول المحاضرات؟
اول يوم فى الكلية
اول سؤال يسأله طالب لزميلته – حاليا – عشان يتعرف عليها.. حضرتى المحاضرة طب ممكن كشكول المحاضرات.
ثانى يوم
لحقيقة انا مافهمتش كلام كده فيها .. طب ممكن نمرة الموبيل عشان تشرحيلى الجزء ده لما اتصل بيكى النهاردة ( قال يعنى الواد هيجيب الديب من ديله والمذاكرة حرقاه لدرجة انه هيتصل بيها على الموبيل عشان تشرحهاله) المهم
ثالث يوم
: اظن المحاضرة دى مالهاش لازمة ... ماتيجى نخرج نشم شوية هوا بره
رابع يوم
يوووه .. نفس الدكتور بتاع امبارح .. ياللا بينا
خامس يوم
: مش هاتصدق ماما طبخت ايه امبارح ... مسقعة .......هاهاهاهاهاها
سادس يوم
ولا بيعرف المدرج وتلاقيه معاه فى الكافيتريا 24 ساعة
سابع يوم
أجازة عشان الجمعة .. بس التليفون مايبطلش غير على الفجر .... معلهش عشان هاقوم أصلى (ايه يا عم الايمان ده كله) لا يا سيدنا هذه نقرة وهذه نقرة أخرى.. ماشى يا عم , منكم نستفيد.
ثامن يوم
ايده فى ايديها جوه الكلية... لأ ويطلعوا للشارع كمان .
تاسع يوم: طالع معاها عالبحر فى عز الشتا ... . قال بيدفوا بعض... ماتفهموش غلط .. الدنيا برد
عاشر يوم:
مراد لازم تيجى تكلم ماما على الاقل , أصل هبه شافتنا وراحت
قالت لماما .... قال ماما قال
اليوم الحادى عشر
غيّر نمرة الموبيل ويمكن الكلية
اليوم الثانى عشر
حضرتى المحاضرة طب ممكن كشكول المحاضرات. ونمرة الموبيل؟؟
أى واحدة.. ممكن كشكول المحاضرات ... ونمرة التليفون ... ومقاس الجزمة
ومن اولها مفيش كلم ماما دي
الثلاثاء سبتمبر 16, 2008 9:57 am
